Согласие на использование cookies

Этот сайт использует файлы cookie для улучшения пользовательского опыта и анализа трафика на основании Федерального закона «О персональных данных» от 27.07.2006 № 152-ФЗ. Продолжая использование сайта, вы соглашаетесь на использование файлов cookie в соответствии с нашей Политикой обработки персональных данных. Вы можете настроить свой браузер для отказа от файлов cookie, но это может повлиять на функциональность сайта. При несогласии - покиньте сайт

Рахманинов. «Всенощное бдение»

Сергей РАХМАНИНОВ

ВСЕНОЩНОЕ БДЕНИЕ

1. ПРИИДИТЕ, ПОКЛОНИМСЯ

Приидите, поклонимся Цареви нашему Богу. Приидите, поклонимся и припадем Христу Цареви нашему Богу. Приидите, поклонимся и припадем самому Христу Цареви и Богу нашему. Приидите, поклонимся и припадем Ему.

2. БЛАГОСЛОВИ, ДУШЕ МОЯ (греческого роспева*)

Благослови, душе моя, Господа. Благословен еси, Господи. Господи Боже мой возвеличился еси зело. Благословен еси, Господи. Во исповедание и в велелепоту облеклся еси. Благословен еси, Господи. На горах встанут воды. Дивны дела Твоя, Господи. По среде гор пройдут воды. Вся премудростию сотворил еси, сотворил еси. Слава Ти, Господи, сотворившему вся. Благослови.

3. БЛАЖЕН МУЖ

Блажен муж, иже не иде на совет нечестивых. Аллилуиа, аллилуиа, аллилуиа. Яко весть Господь путь праведных, и путь нечестивых погибнет. Аллилуиа, аллилуиа, аллилуиа. Работайте Господеви со страхом и радуйтеся Ему. Аллилуиа, аллилуиа, аллилуиа. Блажени все надеющиися Нань. Аллилуиа, аллилуиа, аллилуиа. Воскресни, Господи, спаси мя, Боже мой. Аллилуиа, аллилуиа, аллилуиа. Слава Отцу и Сыну и Святому Духу, и ныне и присно и во веки веков. Аминь. Аллилуиа, аллилуиа, аллилуиа, Слава Тебе, Боже. Аллилуиа, аллилуиа, аллилуиа.

4. СВЕТЕ ТИХИЙ (киевского роспева)

Свете тихий святыя славы Безсмертнаго Отца Небеснаго, Святаго, Блаженного, Иисусе Христе! Пришедшие на запад солнца, видевше свет вечерний, поем Отца, Сына и святаго Духа, Бога. Достоин еси во все времена пет быти гласы преподобными. Сыне Божий, живот даяй; темже мир Тя славит.

5. НЫНЕ ОТПУЩАЕШИ (киевского роспева)

Ныне отпущаеши раба Твоего, Владыко, по глаголу Твоему, с миром; яко видеста очи мои спасение Твое, еже еси уготовал, пред лицем всех людей свет во откровение языков и славу людей Твоих Израиля.

6. БОГОРОДИЦЕ ДЕВО, РАДУЙСЯ

Богородице Дево, радуйся, Благодатная Марие, Господь с Тобою. Благословенна Ты в женах, и благословен Плод чрева Твоего, яко Спаса родила, еси душ наших.

7. ШЕСТОПСАЛМИЕ

Слава в вышних Богу, и на земле мир, в человецех благоволение. Господи, устне мои отверзеши, и уста моя возвестят хвалу Твою.

8. ХВАЛИТЕ ИМЯ ГОСПОДНЕ (знаменного роспева)

Хвалите имя Господне. Аллилуиа. Хвалите, раби, Господа. Аллилуиа, аллилуиа, аллилуиа. Исповедайтеся Господеви, яко Благ. Аллилуиа, аллилуиа. Яко в век милость Его. Аллилуиа, аллилуиа. Исповедайтеся Богу Небесному, яко в век милость Его. Аллилуиа, аллилуиа, аллилуиа.

9. БЛАГОСЛОВЕН ЕСИ, ГОСПОДИ (знаменного роспева)

Благословен еси, Господи, научи мя оправданием Твоим, Ангельский собор удивился, зря Тебе в мертвых вменившася, смертную же, Спасе, крепоть разоривша, и с собою Адама воздвигша, и от ада вся свобождша. Благословенен еси, Господи, научи мя оправданием Твоим. Ангел мироносицам вещаше: "Почто мира с милостивными слезами, о ученице, растворяете?" Блистаяйся во гробе Ангел мироносицам вещаше: "Видите вы гроб и уразумейте: Спас бо воскресе от гроба". Благословенен еси, Господи, научи мя оправданием твоим. Зело рано мироносицы течаху. Но предста к ним Ангел и рече: «Рыдания время преста, не плачите, воскресение же апостолом рцыте». Благословен еси, Господи, научи мя оправданием Твоим. Мироносицы жены, с миры пришедшия ко гробу Твоему, Спасе, рыдаху. Ангел же к ним рече, глаголя: "Что с мертвыми живаго помышляете? Яко Бог бо вокресе от гроба." Слава Отцу и Сыну и святому Духу. Поклонимся Отцу и Его Сынови, и Святому Духу, Святей Троице во едином существе, с серафимы зовуще: трижды свят, свят, свят еси, Господи. И ныне и присно и во веки веков, аминь. Жизнодавца рождши, греха, Дево, Адама избавила еси. Радость же Еве в печали место подала еси; падшия же от жизни к сей направи, из Тебе воплотивыйся Бог и человек. Аллилуиа, аллилуиа, аллилуиа, слава Тебе, Боже (трижды).

10. ВОСКРЕСЕНИЕ ХРИСТОВО ВИДЕВШЕ

Воскресение Христово видевше, поклонимся Святому Господу Иисусу, Единому безгрешному. Кресту Твоему поклоняемся, Христе, и святое воскресение Твое поем и славим: Ты бо еси Бог наш, разве Тебе иного не знаем. Имя Твое именуем. Приидите, вси вернии, поклонимся Святому Христову воскресению: се бо прииди крестом радость всему миру; всегда благословяще Господа, поем воскресение Его: распятие бо претерпев, смертию смерть разруши.

11. ВЕЛИЧИТ ДУША МОЯ ГОСПОДА

Величит душа Моя Господа, и возрадовася дух Мой о Бозе Спасе моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем. Яко призре на смирение рабы Своея, се бо отныне ублажат Мя вси роди. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем. Яко сотвори Мне величие Сильный, и свято имя Его, и милость его в роды родов боящимся Его. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем. Низложи сильныя со пристол и вознесе смиренныя алчущия исполни благ и боготящийся отпусти тщи. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем. Восприят Израиля отроко Своего, помянути милости, яко же глагола Аврааму и семени его, даже до века. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

12. СЛАВОСЛОВИЕ ВЕЛИКОЕ (знаменного роспева)

Слава в вышних Богу, и на земли мир, в человецех благоволение. Хвалим Тя, Благословим Тя, кланяем Ти ся, славословим Тя, благодарим Тя, великия ради славы Твоея. Господи Царю Небесный, Боже Отче Вседержителю, Господи Сыне единородный, Иисусе Христе, и Святый Душе, Господи Боже, Агнче Божий, Сыне Отечь, вземляй грехи мира, приими молитву нашу. Седяй о десную Отца, помилуй нас. Яко Ты еси един свят, Ты еси един Господь, Иисус Христос в славу Бога Отца. Аминь. На всяк день благословлю Тя и восхвалю имя Твое во веки и в век века. Сподоби, Господи, в день сей без греха сохранитися нам. Буди, Господи, милость Твоя на нас, якоже уповахом на Тя. Благословен еси, Господи, научи мя оправданием Твоим (трижды). Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе. Господи, к Тебе прибегох, научи мя творити волю Твою, яко Ты еси Бог мой, яко у Тебя источник живота, во свете Твоем узрим свет. Пробави милость Твою ведущим Тя. Святый Боже, Святый Крепкий, Святый Безсмертный помилуй нас (трижды). Слава Отцу и Сыну и святому Духу, и ныне и присно и вовеки веков, аминь. Святый Безсмертный помилуй нас. Святый Боже, Святый Крепкий, Святый Безсмертный помилуй нас.

13. ТРОПАРЬ «ДНЕСЬ СПАСЕНИЕ» (знаменного роспева)

Днесь спасение миру бысть, поем Воскресшему из гроба и Начальнику жизни нашея: разрушив бо смертию смерть, победу даде нам и великую милость.

14. ТРОПАРЬ «ВОСКРЕС ИЗ ГРОБА» (знаменного роспева)

Воскрес из гроба и узы растерзал еси ада, разрушил еси осуждение смерти, Господи, вся от сетей врага избавивый; явивый же Себе апостолом Твоим, послал еси я на проповедь, и теми мир Твой подал еси, едине Много милостиве.

15. ВЗБРАННОЙ ВОЕВОДЕ (греческого роспева)

Взбранной воеводе победительная яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед освободи, да зовем Ти: радуйся невесто неневестная.

*Роспев – аутентичный термин в грамматике церковнославянского языка, который используют музыковеды-медиевисты.

Большой зал:

191186, Санкт-Петербург, Михайловская ул., 2
+7 (812) 240-01-00, +7 (812) 240-01-80

Малый зал:

191011, Санкт-Петербург, Невский пр., 30
+7 (812) 240-01-00, +7 (812) 240-01-70

Напишите нам:

MAX

Часы работы кассы Большого зала: с 11:00 до 20:30
Перерыв с 15:00 до 16:00

Часы работы кассы Малого зала: с 11:00 до 19:00
Перерыв с 15:00 до 16:00
Вопросы направляйте на ticket@philharmonia.spb.ru

Создание сайта — Интернет-Технологии, 2016 год

Согласие на использование cookies

Афиша

Дополнения к программе